陳百祥自認一世夠運
遇難關有好友借錢相助
《善心滿載仁愛堂》將於本周六晚舉行，出席昨日記者會的藝人包括當晚司儀陳百祥（叻哥）、朱凱婷、陸浩明，以及參與演出的泳兒、施匡翹、艾妮、陳葦璇及港姐梁凱晴、關楓馨等。早前叻哥曾表示《善》節目將會是他在無綫最後一個騷，不過昨日他就改口稱之後會做多一個半個騷，全因欠了無綫總經理曾志偉一個人情。
對於自己出爾反爾，叻哥說：「慈善騷好難推，我一路都plan咗呢個係我最後一個騷，但係上次講完之後好大壓力，九萬幾人打電話嚟，2022年肯定係最後一次唱歌，但唔知之後會唔會做多一個半個騷。」他又稱曾志偉都有致電給他說「你唔係呀，我上任你至退休？」他表示自己欠志偉一個人情，「佢係老細，我係小藝員，所以等佢安排。」繼而自爆在08年金融風暴時，志偉拿出自己8、9位數字的定期存款借給他渡過難關，連他自己都估唔到，所以好感激志偉。說到他一向都好有錢，為何要借錢？「我日日都欠人錢，呢個係我志願，人哋肯借錢畀你，即係你有信用，如果銀行借十億畀我，我都借，因我係賭徒，唔借錢，點投資？我呢啲三更窮五更富，一、兩個星期我就還清晒畀佢，我都仲有啲本事嘅。（志偉有冇收你利息？）我都唔好意思唔畀啦！」他又稱當年第一次破產，另一位好友譚詠麟更把用來買樓的3萬元首期借給他，倫媽還叮囑他說：「阿祥，我哋第一次上樓咋，你唔好唔畀番我呀！」叻哥自嘲是沒用的人，只是一世夠運，識得朋友多：「我可以夠膽咁講，如果叫我一年內搵朋友食飯，一定夠365個朋友，真係識人好過識字。」
梁凱晴讚陳瑞菱富正能量
梁凱晴和關楓馨日前與應屆候選港姐Staycation，雖然只是相處短短幾日，但都有以師姐身份交流心得。梁凱晴表示對肚皮有疤痕的3號陳瑞菱印象較深刻，覺得對方很親切，個人好正能量和狀態佳。關楓馨就喜歡7號王子蝶，覺得對方很正面，為了參選好花心機去學才藝，受傷也堅持。問她可認識「星二代」林鈺洧？「之前曾一起出席過品牌活動。（可有過兩招給她？）自己沒這資格。」談到快將卸任，梁凱晴希望可以拍劇及做司儀，並透露二人將會擔任港姐準決賽司儀，感到有壓力，唯有重溫以往的大騷，從中學習。
